མྱ་ངན་ཞུ།

སྐྱབས་རྗེ་བླ་མ་བཟོད་པ་རིན་པོ་ཆེ་ནི་༧གོང་ས་མཆོག་དང་བོད་མི་ལ་ཐུགས་ཞེན་ཧ་ཅང་ཆེ་ལ། བྱམས་སྙིང་རྗེ་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བར་ཉམས་བཞེས་ལྷོད་མེད་དུ་གནང་མཁན་ཞིག་ཡིན་པར་མ་ཟད།བོད་པའི་དགོན་སྡེ་དང་། ཚོགས་སྤྱི། མི་སྒེར། བོད་མིའི་སྒྲིག་འཛུགས་སོགས་ལ་ནམ་ཡིན་ཡང་རྒྱབ་སྐྱོར་དང་རོགས་རམ་གནང་མཁན་གྱི་བླ་མ་རྩ་ཆེན་ཞིག་ཡིན། ད་ལྟའི་ཆེས་ཛ་དྲག་གི་དུས་སྐབས་འདི་ཏག་ཏག་ལ་སྐུ་གཤེགས་པར་དགོངས་གཞི་ངེས་ཅན་ཞིག་ཏན་ཏན་ཡོད་སྙམ། ཚང་མས་ཁོང་གི་ཐུགས་རེ་འགྲུབ་པའི་སྨོན་ལམ་འདེབས་རོགས། ༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་བརྟན་ཅིང་། སྐུ་གེགས་ཀྱི་རིགས་ཅི་ཡོད་ལྷག་མེད་དུ་ཞི་བ་དང་། བོད་མིའི་བསོད་ནམས་འཕེལ་བའི་ལས་ལ་ཅུང་ཙམ་ཡིན་ཡང་འབད་པ་བྱེད།