འགྱུར་ལྡོག་་་་
- ཤེས་རབ་དར་རྒྱས། Sherab Dharge
- Feb 15, 2021
- 1 min read
ད་ལྟ་བདག་ངོ་དེབ་སོགས་ནས་ཕྱིར་ཐོན་ཟིན་ལ། དེ་དག་གི་མ་ལག་ཀྱང་ཁ་པར་ནས་བསུབས་ཡོད།
ངོ་དེབ་སོགས་སུ་རྣམ་གཡེང་བྱེད་པའི་ངན་གོམས་དེས་དུས་ཐུང་ནང་བསུན་པོ་བཟོ་སྲིད་ཀྱང་། ཐག་བཅད་དེ་ཆོད་ཟིན་པ་ཡིན་པས་དཀའ་ཚེགས་ཆེན་པོ་ཡོད་མི་སྲིད།
ལར་ནས་ཉིན་རེའི་འཚོ་བ་དེ་ངོ་དེབ་སོགས་ཀྱིས་སྐྱེལ་དགོས་ན་ཧ་ཅང་ཐབས་སྐྱོ་བོ་ཡིན། འདི་ཙམ་ཡང་བློས་མ་ཐོངས་ན། འཆི་བའི་ཚེ་ཅི་ཞིག་བྱེད་དམ།
ད་ནི་ཁ་པར་ས་ལ་བཞག་སྟེ། དཔེ་ཆ་རྣམས་ལག་ཏུ་ལེན། དེ་ལས་ཕན་ཆེ་བ་གཞན་མེད། དགེ་སེམས་འཕེལ་བའི་བརྩོན་པ་རྒྱུན་མཐུད་ནས་བྱེད།
2021/2/15 ཉིན།
Comments