རྣམ་གཡེང་ཁྲོད་ཀྱི་རེ་བ།

འབྲུག་པ་མི་རིགས་ཀྱིས་ The VOICE of BHUTAN ཞེས་པ། “འབྲུག་གི་གསུང་སྐད།” ཅེས་པར་བསྒྱུར་ཏེ། འཛམ་གླིང་སྤྱི་མཚུངས་ཀྱི་རོལ་གཞས་འགྲན་ཚོགས་ལྟར་འཚོགས་བཞིན་འདུག་ལ། བོད་ནང་གི་མདོ་དབུས་ཁམས་གསུམ་གྱི་བོད་མི་ཚོས་ཀྱང་མཉམ་འབྲེལ་གྱིས་ The VOICE of TIBET ཞེས་པ་“བོད་ཀྱི་སྒྲ་དབྱངས།” ཞེས་པ་ལྟ་བུ་གང་བདེ་ཞིག་ཏུ་བསྒྱུར་ཏེ་མི་རིགས་སྤྱི་མཚུངས་ལྟར་འཚོགས་ཐུབ་ན། འཛམ་གླིང་གི་མི་གྲལ་དུ་སྙེག་པའི་སྤོབས་པ་ཞིག་བོད་མི་ཀུན་ལ་འབྱུང་ཞིང་། དེ་བྱུང་ན། རང་མི་རིགས་ཀྱི་སྙིང་སྟོབས་ཡུན་དུ་གནས་པ་ལ་ཕན་ཞིང་། བོད་ཀྱི་སྒྱུ་རྩལ་ལས་རིགས་ཡར་རྒྱས་སུ་འགྲོ་བ་ནི་སྨོས་མི་དགོས་པ་ཞིག་རེད་སྙམ་མོ།།