སྐུ་མཆེད་གཉིས་སྒང་ཏོག་ཏུ་མཇལ།

2023-12-11 ཉིན།

༸གོང་ས་མཆོག་སྤྱི་ལོ་ 1935 ལ་འཁྲུངས་ཤིང་ད་ལྟ་དགུང་གྲངས་ ༨༨ ལ་ཕེབས་པ་དང་། ལྷ་སྲས་རྒྱལ་ལོ་དོན་གྲུབ་མཆོག་སྤྱི་ལོ་1929 ལ་འཁྲུངས་ཤིང་ད་ལྟ་དགུང་ལོ་ ༩༤ ལ་ཕེབས།

•གཅུང་པོས་ཞི་བ་དང་བྱམས་བརྩེའི་ཐབས་ཚུལ་ཁོ་ན་བདག་གིར་བཞེས་ཤིང་། གཅེན་པོས་དྲག་པོ་དང་ཐབས་མཁས་ཀྱི་ལམ་བུ་མང་དུ་བཙལ། དེ་ལྟར་ཞི་དྲག་གི་ངོས་རེ་རེ་ནས་གཅེན་གཅུང་འདི་གཉིས་ཀྱིས་བོད་མི་རིགས་འདི་མཐོ་སྒང་དུ་གསོན་ཐབས་ལ་འབད།

•འཇིག་རྟེན་ཐོག་ཞི་བདེ་དང་བྱམས་བརྩེའི་དྲོད་རླབས་རྒྱ་ཁྱབ་ཏུ་སྤེལ་མཁན་ནི་གཅུང་པོ་ཁོང་རེད་ལ། འཛམ་གླིང་གི་དམག་དོན་ལོ་རྒྱུས་ནང་སྒང་པ་བོད་ཀྱི་ལེའུ་གསར་པ་དེ་སྐྲུན་མཁན་ནི་གཅེན་པོ་ཁོང་རེད། ལོ་རྒྱུས་འདི་དང་ཟིན་ཐོ་དེ་སུས་ཀྱང་གསུབ་མི་ཐུབ་བོ།།